బాలకృష్ణ- బోయపాటి శ్రీను కాంబినేషన్లో తెరకెక్కిన మూవీ ‘అఖండ 2’. ఈ మూవీ రిలీజ్ వాయిదా పడింది. నిన్న రాత్రి ప్లాన్ చేసిన ప్రీమియర్స్ను కూడా మూవీ టీమ్ రద్దు చేసింది. అలాగే మూవీ రిలీజ్ కూడా వాయిదా వేస్తున్నట్లు నిర్మాణ సంస్థ 14 రీల్స్ ప్లస్ ప్రకటించింది. షెడ్యూల్ ప్రకారం ఇవాళ (డిసెంబర్ 5న) థియేటర్లలో ఈ మూవీ రిలీజ్ కావాల్సి ఉంది.
మూవీ రిలీజ్ వాయిదాపై 14 రీల్స్ ప్లస్ సంస్థ ఎక్స్ వేదికగా పోస్టు చేసింది. అనివార్య కారణాల వల్ల ‘అఖండ 2’ షెడ్యూల్ ప్రకారం విడుదల కావడం లేదు. ఈ విషయం పట్ల చింతిస్తున్నాం. ప్రతి అభిమాని, సినీ ప్రేమికుడికి ఇది కలిగించే నిరాశను మేము అర్థం చేసుకుంటాము. ఈ విషయాన్ని వీలైనంత త్వరగా పరిష్కరించడానికి కృషి చేస్తున్నాము. ఈ నిర్ణయం పట్ల కలిగిన అసౌకర్యానికి మా క్షమాపణలు. ఈ సమయంలో మీ మద్దతు మాకు చాలా అవసరం. అతి త్వరలో సానుకూల నిర్ణయంతో మీ ముందుకు వస్తాం’’ అని నిర్మాణ సంస్థ ట్వీట్ చేసింది.
